برده-نی آتشه توتان "سمرچ" محو ائدیلیب
بو بارهده معلوماتی آذربایجان مودافعه ناطیرلیگی یاییب.
برده شهرینده سیویل لری و سیویل یئرلری آتشه توتان ائرمنیستان سلاحلی قوهلرینه مخصوص "سمرچ" یایلیم آتشلی رئاکتیو سیستمینین آذربایجان اوردوسو طرفیندن آشکار ائدیلیب.
اوکتبرین 29-و ساعات 15.18 رادهلرینده بؤلمهلریمیزین دقیق آتشی ایله دوشمنین "سمرچ" یایلیم آتشلی رئاکتیو سیستمی محو ائدیلیب.
بو بارهده معلوماتی آذربایجان مودافعه ناطیرلیگی یاییب.
ائرمنیستان سلاحلی قوهلرینین بؤلمهلری اوکتبرین 29-و گون عرضینده و 30-نا کئچن گئجه جبههنین موختلیف ایستیقامتلرینده آذربایجان اوردوسو بؤلمهلرینین یئرلشدیگی موضع لری و یاشاییش منطقهلریمیزی موختلیف سلاحلاردان، او جملهدن توپ و راکتلردن آتشه توتوب.
بیلدیریلیر کی، دؤیوش عملیاتلاری اساساً جبههنین آغدره، خوجاوند و قوبادلی ایستیقامتلرینده داوام ائدیب. دوشمنین هوجوم ائتمک جهدلرینین قارشیسی قطعیتله آلینیب.
جبههنین موختلیف ایستیقامتلرینده ائرمنیستان سلاحلی قوهلرینه قارشی گؤرولن جاواب تدبیرلری نتیجهسینده دوشمنین شخصی هئیتی آراسیندا اؤلن و یارالانانلار وار.
دونن گون عرضینده و گئجه ساعاتلاریندا جبههنین موختلیف ایستیقامتلرینده دوشمنین خیلی سایدا جانلی قوهسی، 2 عدد Su-25 طیارهسی، 3 عدد T-72 تانکی، 1 عدد PDM، 2 عدد "سمرچ" و 1 عدد BM-21 گراد یایلیم آتشلی رئاکتیو سیستملری، 10 عدد موختلیف تیپلی توپو، 2 عدد "قووزدیکا" اؤزویئریین هاوبوسو"، 1 عدد “Osa” ZRK ، 1 عدد P-18 رادیولوکاسیون ایستگاهی، 4 عدد اتومبیل تکنیکاسی محو ائدیلیب و سیرادان چیخاریلیب.
حاضیردا قوشونلاریمیز عملیات شرایطینه نظارت ائدیر.
ایلگیلیلی خبرلر
شکی خان سارایینا توریست آخینی
شکی خان سارایی، طبیعت و تاریخین ایچ ایچه گئچدیگی بیر یئر اولاراق گؤرنلری حیران ائدیر