آذربایجان مودافعه ناظیرلیگی جبهه‌دکی سون وضعیتله باغلی معلومات یاییب
جبهه‌نین موختلیف ایستیقامت‌لرینده ائرمنیستان سلاحلی قوه‌لرینه قارشی گؤرولن جاواب تدبیرلری نتیجه‌سینده دوشمن‌ین شخصی هئیتی آراسیندا اؤلن و یارا‌لانان‌لار وار.
ائرمنیستان سلاحلی قوه‌لری‌نین بؤلمه‌لری اوکتبرین 28-ی گون عرضینده و 29-نا کئچن گئجه جبهه‌نین موختلیف ایستیقامت‌لرینده آذربایجان اوردوسو بؤلمه‌لری‌نین یئرلشدیگی موضع لری و یاشاییش منطقه‌لریمیزی موختلیف سلاح‌لاردان، او جمله‌دن توپ و راکت‌لردن آتشه توتوب.
مودافعه ناظیرلیگیندن وئریلن معلوماتا گؤره، دؤیوش عملیات‌لاری اساساً جبهه‌نین خوجاوند، فضولی و قوبادلی ایستیقامت‌لرینده داوام ائدیب. دوشمن‌ین هوجوم ائتمک جهدلری‌نین قارشی‌سی قطعیت ایله آلینیب.
جبهه‌نین موختلیف ایستیقامت‌لرینده ائرمنیستان سلاحلی قوه‌لرینه قارشی گؤرولن جاواب تدبیرلری نتیجه‌سینده دوشمن‌ین شخصی هئیتی آراسیندا اؤلن و یارا‌لانان‌لار وار.
دونن گون عرضینده و گئجه ساعات‌لاریندا جبهه‌نین موختلیف ایستیقامت‌لرینده دوشمن‌ین خیلی سایدا جانلی قوه‌سی، 2 عدد T-72 تانکی، 2 عدد BM-21 "گراد" یایلیم آتش‌لی راکتیو سیستمی، 14 عدد موختلیف تیپ‌لی توپو، بیر نئچه دایاق منطقه‌سی و 6 عدد اتومبیل تکنیکاسی محو ائدیلیب و سیرا‌دان چیخاریلیب.
حاضیردا قوشون‌لاریمیز عملیات شرایطینه نظارت ائدیر.
ایلگیلی‌لی خبرلر
شکی خان سارایینا توریست آخینی
شکی خان سارایی، طبیعت و تاریخین ایچ ایچه گئچدیگی بیر یئر اولاراق گؤرنلری حیران ائدیر
