ائرمنی‌لر برده-نی یئنی‌دن راکت آتشینه توتوب

"ائرمنیستان اوردوسونون آذربایجانین برده شهرینده تؤرتدیگی سوی قیریمی آکتی نتیجه‌سینده اؤلن‌لرین سایی 20 نفره چاتیب، یارا‌لی‌لارین سایی 60-دان چوخ‌دور".

2020 -جی ایل اوکتبرین 28-ده ساعات 13 راده‌لرینده دوشمن‌ین سلاحلی بیرلشمه لری طرفیندن برده شهرینین دینج ساکین‌لرین سیخ حرکتده اولدوغو و تیجارت یئرلرینین یئرلشدیگی اراضییه اولوسلار آراسی  حقوقلا قاداغان اولونموش کاست بومبالاریندان‌ ایستیفاده ائدیلمکله ضربه‌لرین ائندیریلمه‌سی نتیجه‌سینده 20 نفر هلاک اولوب، 60-ا یاخین شخص ایسه یارالانمیش، شهرده یئرلشن سیویل آلت یاپی تاسیس لرینه و نقلیات واسیطه‌لرینه کول‌لی میقداردا زیان دیمیش‌دیر.

باش ساوجلیقدان وئریلن معلوماتا گؤره، حاضیردا ساوجلیلیق امکداش لاری طرفیندن مووجود شرایطده مومکون اولان بوتون سوروشدورما تدبیرلری حیاتا کئچیریله جک ضررچکمیش شخص‌لرین سیاهی‌سی‌نین دقیقلشدیریلمه‌سی عذره ایشلر آپاریلیر.

بو باره‌ده آذربایجان پرزیدنتی‌نین کؤمکچی‌سی حیکمت حاجی یئو توییتر صحیفه سینده بیلدیریب.

"اونلار هامیسی گوناه‌سیز سیویل شخص‌لردیر. سیویل اها‌لییه قارشی کاست‌لی "سمئرچ" راکت‌لریندن ایستیفاده اولونوب. بیز ائرمنیستانین بو جینایت‌لرینی یئرینده قیمتلندیرمک اوچون “Human Rights Watch” و “Amnesty İnternational” تشکیلات‌لارینی اؤلکه‌میزه دعوت ائدیریکپ"، - دئیه حیکمت حاجی یئو وورغولاییب.