ائرمنیستان یئنی آتشکس رژیمینه عمل ائتمیر
اوکتبرین 18-ده ساعات 00.00-دان یئنی اینسانی آتشکس رژیمینین اعلان اولونماسینا باخمایاراق ائرمنیستان سلاحلی قوهلری نؤوبتی دفعه راضیلاشمانی کوبود صورتده پوزوب.
اوکتبرین 18-ده ساعات 00.00-دان یئنی اینسانی آتشکس رژیمینین اعلان اولونماسینا باخمایاراق ائرمنیستان سلاحلی قوهلری نؤوبتی دفعه راضیلاشمانی کوبود صورتده پوزوب.
آذربایجان جمهوریتینین مودافعه ناظیرلیگینین معلوماتینا گؤره، دوشمن جبراییل شهرینین اطراف اراضیلرینی، ائلهجه ده بو رایونون آراز چایی بویو یئرلشن و ایشغالدان آزاد اولونموش کندلرینی گئجه عرضینده توپ قورغولاریندان آتشه توتوب. شخصی هئیت آراسیندا ایتکی یوخدور. آذربایجان بؤلمهلری طرفیندن موناسیب جاواب تدبیرلری گؤرولوب.
آذربایجان قوشونلاری بوتون جبهه بویو الوئریشلی حد، اهمیتلی یوکسکلیک و موضع لرده مووافیق فعالیتلر حیاتا کئچیریب.
اوکتبرین 18-ی سحر ساعات 07.00-دان باشلایاراق جبههنین آغدره، فضولی، هادروت و جبراییل ایستیقامتلرینده دوشمن هوجوما کئچمهیه جهد گؤستریب.
آذربایجان اوردوسونون بؤلمهلری دوشمهنین هوجوم جهدلرینین قارشیسینی آلیر.
قئید ائدکی کی، آذربایجان جمهوریتی و ائرمنیستان اوکتبرین 18-ی یئرلی واختلا ساعات 00:00-دان اعتباراً موقتی اینسانی آتشکسه راضیلیق وئریب.
آذربایجان خاریجی ایشلر ناظیرلیگینین مطبوعات خیدمتی ایدارهسینین معلوماتینا گؤره، بو قرار آتت-ین مینسک قروپونون همصدر اؤلکهلرینی تمثیل ائدن امریکا، فرانسا و روسیا پرزیدنتلرینین 2020-جی ایل 1 اوکتبر، آتت-ین مینسک قروپونون همصدرلرینین 5 اوکتبر تاریخلی بیاناتلارینا اساساً و 2020-جی ایلین 10 اوکتبر تاریخلی مسکوا بیاناتینا اویغون اولاراق قبول ائدیلیب.
ایلگیلیلی خبرلر
شکی خان سارایینا توریست آخینی
شکی خان سارایی، طبیعت و تاریخین ایچ ایچه گئچدیگی بیر یئر اولاراق گؤرنلری حیران ائدیر