پرزیدنت الهام علی یئو: آذربایجانین اراضی بوتؤو‌لوگو هئچ بیر شرطله پوزولا بیلمز
بونو پرزیدنت الهام علی یئو اوکتبرین 15-ده روسیانین ریا نوووستی خبر آژانسینا موصاحیبه‌سینده دئییب.
آذربایجان پرزیدنتی الهام علی یئو داغلیق قاراباغین آذربایجان اوچون قورتولوش محاربه سی اولدوغونو دئییب.
"آذربایجان هئچ بیر شرتده داغلیق قاراباغین ایشغال ائدیلمسینه ایجازه وئرمز"،-دئیه آذربایجان پرزیدنتی وورغولاییب.
روسیانین ریا نوووستی خبر آژانسینا موصاحیبه وئرن الهام علی یئو قیرمیزی خطرلرینی بیر داها وورغولاییب.
بیزیم موضعیمز همیشه چوخ یاپیجی، آردیجیل اولوب. بو موضع هم ده بمت تهلوکه‌سیزلیک شوراسی‌نین قبول ائتدیگی، ائرمنیستان قوه‌لری‌نین بیزیم اراضی‌لردن درحال، تامامیله و قئید-شرط‌سیز چیخاریلماسینی طلب ائدن 4 قطعنامه‌نین یئرینه یئتیریلمه‌سی باخیمیندان بئینلخالق حقوقون نورما‌لارینا اساسلانیب. بیزیم موضعیمیز همیشه پراقماتیک یاناشمایا اساسلانیب. دوشونورم کی، دانیشیق‌لار ماساسی اوزرینده اولان واریانت‌لار بونو آشکار گؤستریر. “قیرمیزی خط‌لره” گلدیکده ایسه بیز بونو چوخ دقیق بیان ائتمیشیک و مینسک قروپونون همصدرلری بونو یاخشی بیلیرلر. آذربایجانین اراضی بوتؤو‌لوگو هئچ بیر شرطله پوزولا بیلمز. آذربایجان داغلیق قاراباغین موستقیل‌لیگینه هئچ بیر شرطله راضی‌لیق وئرمه‌یه‌جک. لاکین، عینی زاماندا، بیزیم تکلیفیمیز بونا اساسلانیردی کی، گله‌جکده داغلیق قاراباغ اراضی‌سینده ائرمنی ایجماسی و آذربایجان ایجماسی دینج یاناشی یاشاما‌لی‌دیر. یئری گلمیشکن، آذربایجانین دیگر یاشاییش منطقه‌لرینده، او جمله‌دن چوخ مینلیک ائرمنی ایجماسی‌نین مؤوجود اولدوغو باکیدا، روسیادا، گورجوستاندا، دیگر اؤلکه‌لرده ائرمنی‌لرله آذربایجان‌لی‌لار بعضا بیر کندده یاشاییر و ایشلییر، اونلارین آراسیندا هئچ بیر ضدیت یارانمیر. بونا بیزده نه اوچون نایل اولماق مومکون دئییل؟ بیز بو عزم دییک. لاکین البته، ائتنیک تمیزلمه‌لرین نتیجه‌لری آرا‌دان قالدیریلما‌لی‌دیر و بیزیم بوتون مجبوری کؤچکون‌لر اؤز ائولرینه قاییتما‌لی‌دیرلار."
آذربایجان پرزیدنتی مزدلو حربچیلرین آذربایجان اوردوسونون سیرا‌لاریندا دؤیوشدوگو ایله باغلی یاییلان ادعا‌لارلا باغلی دئییب: "حربی معنادا خاریجی قوه یه احتیاجیمیز یوخ‌دور. اوردوموز 100 میندن چوخ عسگردن عبارت دیر. حاضیردا صاحب اولدوغوموز حربی بیرلیکلر وئریلن هر وظیفه نی یئنی‌نه یئتیریر".
ایلگیلی‌لی خبرلر
شکی خان سارایینا توریست آخینی
شکی خان سارایی، طبیعت و تاریخین ایچ ایچه گئچدیگی بیر یئر اولاراق گؤرنلری حیران ائدیر
