پاشینیانین تاریخی حقیقت‌لری تحریف ائدن مکتوبونا سفیر اسنلی جاواب وئریب
پاشینیانین تاریخی حقیقت‌لری تحریف ائتمک اوچون گؤندردیگی مکتوبا تورکیه-نین رم-داکی سفیری مورات سالیم اسنلی‌دن جاواب گلیب.
ائرمنیستانین باش ناظیری نیکول پاشینیان باتی اؤلکه‌لرینه تأثیر گؤسترمک اوچون مکتوب یازیب و اوغلونو دا اوردویا یوللادیغینی بیلدیریب.
مکتوب‌لاردان بیری ایتالیانین لا ریپابلیکا قزئتینده درج ائدیلیب.
پاشینیانین تاریخی حقیقت‌لری تحریف ائتمک اوچون گؤندردیگی مکتوبا تورکیه-نین رم-داکی سفیری مورات سالیم اسنلی‌دن جاواب گلیب.
همین قزئتده درج اولونان مقاله‌ده سفیر اسنلی، اؤزونو قوربان کیمی تقدیم ائدن ائرمنیستانین 1990-جی ایللردن بری آذربایجان تورپاق‌لاری‌نین 20 فایزینی ایشغال ائتدیگینی خاطیرلادیب.
اسنلی، ائرمنیستانین درحال گئری چکیلمه‌سینی طلب ائدن بیرلشمیش میللت‌لر تشکیلاتی تهلوکه‌سیزلیک شوراسی‌نین 4 قطعنامه سینه دقت چکیب.
"ائرمنی باش ناظیر، اوغلونو جبهه‌یه گؤندرمکدنسه، باریش آختارما‌لی‌دیر" دئین اسنلی تورکیه-نین 1915-جی ایل حادثه‌لری ایله علاقه‌دار سوروشدورما کمیسیونونون یارادیلماسی تکلیفی‌نین هله ده قوه‌ده اولدوغونو بیلدیریب.
"لا ریپابلیکا" قزئتی‌نین سفیر اسنلی‌نین مکتوبونو اهمیت‌لی درجه‌ده قیسالدیلمیش شکیلده درج ائتمه‌سی ده دقت‌دن یایینماییب.
پاشینیانین ویجدان‌سیز مئتودلارا ال آتماسی و حادثه‌لری چاتدیرارکن تحریف ائتدیگی باره‌دکی حیسه‌لرله، اولوسلار آراسی بیرلیگین حل یولو اوچون ائرمنیستانا تضییق گؤسترمه‌سی‌نین واجیب‌لیگی‌نین دیله گتیریلدیگی حیسه‌لره سانسور تطبیق ائدیلدیگی موشاهیده اولونوب.
ایلگیلی‌لی خبرلر
شکی خان سارایینا توریست آخینی
شکی خان سارایی، طبیعت و تاریخین ایچ ایچه گئچدیگی بیر یئر اولاراق گؤرنلری حیران ائدیر
