ائرمنیلرین گنجه-یه راکت آتشی نتیجهسینده 9 ساکین اؤلوب، 34 یارالی وار
ائرمنیستان سلاحلی قوهلری 2020-جی ایل اوکتبرین 10-دا اعلان ائدیلمیش اینسانی آتشکس رژیمینین طلبلرینی پوزماقدا داوام ائدیر.
ائرمنیستان سلاحلی قوهلری 2020-جی ایل اوکتبرین 10-دا اعلان ائدیلمیش اینسانی آتشکس رژیمینین طلبلرینی پوزماقدا داوام ائدیر.
ایشغالچی ائرمنیستان سلاحلی قوهلرینین جبهه زوناسیندان کناردا یئرلشن، آذربایجان جمهوریتینین ایکینجی بؤیوک شهری اولان گنجه-نین مرکزی حیسهسینده یئرلشن چوخ منزیللی یاشاییش بیناسینی اوکتبرین 11-ده گئجه ساعت 02 رادهلرینده راکت آتشینه توتماسی نتیجهسینده داغیلان چوخ منزیللی یاشاییش بیناسینین داغینتیلاری آلتیندا قالان ساکینلرین چیخاریلماسی ایشلری داوام ائتدیریلیر.
چوخ منزیللی بینانین داغینتیلاری آلتیندان داها ایکی ساکیننین جسدی چیخاریلیب. بونونلا دا داغینتیلارین آلتیندان 7 سیویل وطنداشین جسدی چیخاریلیب، 34 وطنداش ایسه بدن خسارتی آلیب.
قئید ائدک کی، ائرمنیستان سلاحلی قوهلری اولوسلار حقوقون نورما و پرینسیپلرینی، 1949-جو ایل تاریخلی ژنو کنونسیالاری و اونلارین علاوه پروتوکوللارینی، هابئله 2020-جی ایل اوکتبرین 10-دا اعلان ائدیلمیش اینسانی آتشکس رژیمینین طلبلرینی پوزاراق، آذربایجانین سیویل اهالیسینی قصداً هدفه آلماقلا یاشاییش منطقهلرینی آغیر توپ آتشه توتماغا داوام ائدیر.
ایلگیلیلی خبرلر
شکی خان سارایینا توریست آخینی
شکی خان سارایی، طبیعت و تاریخین ایچ ایچه گئچدیگی بیر یئر اولاراق گؤرنلری حیران ائدیر