Törek maxsus iminlek törkemnäre Haftanindä
Törek xärbiläre bu yulı terror oyası Haftanindä. Başta Ğıyraqnıñ tön’yağındağı tämeklär “Pänçä-Qaplan” operaśiyäse belän tar-mar itelde.
Xäzer inde terrorçılarğa “qaplan tırnağı” belän höcüm itelä. Boyırıq birelde. “Pänçä-Qaplan” operaśiyäse belän böten xäräkät mäydanı ut astına alındı. “Dawıl” cirle gaubiśaları häm küp köpşäle raketa caylanmaları belän 150dän kübräk tämekkä töğäyen qundırıldı.
Töbäk yasalğan atışlar belän yomşatıldı. Hawa höcüme xäräkätenä küçelde. “F-16”lar, qorallı keşesez hawa apparatları häm “ATAKA” boralaqları tämeklärne bombaladı.
Soñınnan maxsus iminlek törkemnäre alğa taba bara başladı. Ber yaqtan, ütep kerü xäräkäte ütkärelde. İkençe yaqtan, maxsus iminlek törkemnäre boralaq belän töbäkkä töşte. Häm törek xärbiläre bilgelängän tämeklärgä berär-berär kerä başladı.
“Pänçä Qaplan” xäräkäte belän maxsus iminlek törkemnärebezneñ maqsatında bu yulı kerelüe bik awır dip yörtelgän terror oyası Haftanin bar. Tirän üzänleklär, yuğarı qalqulıqlar, meñnärçä mäğarä häm tekä qıya taşları urnaşqan Haftaningä kergän maxsus iminlek törkemnärebez terrorçılarnıñ töbäktä qaldırıp kitkän şartlatqıçlar häm minalar arqasında iğ’tibarlı itep alğa taba bara.
Operaśiya “PKK”nıñ iminlek bülekçälärenä häm xärbi bazalarğa artqan höcüm kereşülären totqarlaw maqsatınnan çığıp ütkärelä.
Törkiyä xalıqara xoquqqa bäyle legal’ saqlanu xaq-xoquqın qullana.
Alıp barıluı häm idaräse Milli saqlanu ministrı Hulusi Akarda. Xäräkät üzägendä komandirlar belän bergä operaśiyanı şul uq mizgeldä küzätä.
Ministr Akar çıbıqsız êlemtädän töbäktäge berleklärneñ komandirlarına da êndäşte, boyırıq birde: “Törek maxsus iminlek törkemnäreneñ köçen härwaqıt kürsättegez, bügen dä monnan alda bulğanı kebek şuşındıy uq räweşle ul tawlarda tağın ber märtäbä dastan yazaçağığızğa ışanam. Andağı êşçänlek waqıtındağı tuzannı da, cilne dä, salqınnı da bez dä biredä xis itäbez. Barığızğa da köç-küät, uñışlar telim”.
“Pänçä-Qaplan” operaśiyäse belän Haftanindäge terror oyışmasınıñ tämekläre yuqqa çığarıla.
