Londonda poliśiya xezmätkäre İslamnı qabul itkän
Paul Reading, poliśiya xezmätkäre:
“Min poliśiya xezmätkäre Paul. 16 yıl biredä poliśiya xezmätkäre bulıp êşlim. Ğıynwar ayında İslamnı qabul ittem Älhämdüllah, min bik bäxetle.
Minem wazıyfam biredä yäşäwçe keşelär belän êlemtä urnaştıru. Bu bik yaxşı närsä, çönki min monda küptän toram. Yäş’lärne dä tanıym. Min olıraq bulğannarnı häm qartlarnı da tanıym, babaylarnı, ata-analarnı tanıym.
Nigezdä bez biredä zur ğailä kebek. Mäsälän, yäş’lärneñ berse belän problema bulsa, üzen naçar totsa, totıp alıp öyenä, ğailäsenä alıp bara alam. Berkem dä bernärsä dä äytmi.
Barısı da miña äytte: “Paul, inşallah, berkönne sin möselman bulırsın,”- diyıp. Ämma berkem dä mine mäcbür itärgä tırışmadı häm küpmeder waqıttan soñ Qor’änne uqıy başladım, İslamnı öyränä başladım.
Minemçä, iskitkeç häm tınıçlıq yaqlı din. Biş ay êçendä Qor’änne ike tapqır uqıdım.
Min hiç namaz waqıtın qaldırmadım. Yäş’lär qayçağında minnän sorıylar. Çönki min alarğa “Namaz uqıysızmı?” dip sorıy alam. Çönki min böten namazlarnı uqıym.
Bu bik yaxşı, miña kilep äytälär: “Nigezdä bez dä namaz uqıy başladıq,”- dip.
Älhämdüllah, êşkä yarıy. Qara-qarşı ber totış. Min alarğa täêsir itäm, alar da miña ilham kebek täêsir itälär.
Keşelär minem ni öçen İslamnı saylawımnı sorıylar. Minem cawabım: “Min İslamnı saylamadım, Allah mine sayladı”.
Älhämdüllah, minem uyımda bernindi şöbxä yuq. Biredä maqsatımnıñ buluın beläm.
Min barı tik poliśiya xezmätkäre genä tügel. Min qardäş, abıy, ulım, bertuğannıñ ulı häm iptäş kebek. Min bik bäxetle".
