Törkiyädän Ğazzägä tağın ber korab yärdäm kitte

Törkiyäneñ “Qızılay” cämğıyäte Ğazzä öçen äzerlägän 3 meñ 774 tonna gumanitar yärdämne töyägän korab Märsin xalıqara portınnan kiçä kiç quzğalıp kitte. Anda azıq-tölek, bäbäylärgä kiräkle äyberlär, yoqı qapçıqları häm glyutensız tovarlar bar.

Korab 40 säğat’ yözgännän soñ Ğazzägä iñ yaqın cirlek bulğan Misırnıñ Äl-Arış portına barıp citäçäk. Gumanitar yärdämne annan yök maşinaları belän Räfax çik qapqasına taşıyaçaqlar. Biredä ul Fälästinneñ “Qızılay” cämğıyätenä tapşırıla.  

Törkiyä höcümnär başlanğannan birle Ğazzägä 13 oçqıç häm 8 korab belän 39 meñ 697 tonna törle gumanitar yärdäm tovarları cibärde.