Ğıyraqta imin töbäk barlıqqa kiterelde

Törkiyä milli saqlanu ministrı Yaşar Gülär Ğıyraqta 30 çaqrım ozınlığında imin sızıq barlıqqa kiterelüen äytte. Ul AK partiyäneñ parlamenttağı cıyılışı aldınnan jurnalistlarnıñ sorawlarına cawap birde.

Gülär terrorçılıqqa qarşı köräş qısalarında êşçänleklärneñ däwam itüen citkerde. “Planlar äzer”,-dide ul. Törkiyä ilbaşı Räcäp Tayyip Ärdoğannıñ düşämbe könne Ğıyraqqa säfär yasayaçağı äytelgännän soñ ber jurnalist: “İmin sızıq barlıqqa kitereläçäkme? Ul şuşı säfär waqıtında bulaçaqmı?”- dip soradı.

Ministr Gülär bolay dip cawap birde: “30 çaqrım ozınlığında imin sızıq inde barlıqqa kiterelde. Tik anda êşlänergä tiyeşle qayber êşlär bar, alarnı qarıybız”.