Fidan belän Blinken söyläşte

Törkiyä tışqı êşlär ministrı Xaqan Fidan amerikalı wazıyfadaşı Êntoni Blinken belän telefon aşa söyläşte.

Diplomatik çığanaqlardan alınğan mäğ’lümatlarğa qarağanda, anda süz İrannıñ İzrailgä cawap höcümennän soñ regiondağı wäzğıyät’ turında süz bardı.

Fidan AQŞ däwlät särqatibe Blinkenğa Törkiyäneñ krizisnıñ artuı häm taraluı nisbätennän borçıluın assızıqladı häm Ğazzädäge “qaynar noqta”nıñ başınnan birle regional’ bäreleşkä äwerelü qurqınıçına iyä buluın küp tapqırlar belderülärenä iğ’tibarnı cälep itte.

Törkiyä ministrı İzrail-İran problemasınıñ nigezendä Ğazzädäge suğış buluın xäterlätte häm aşığıç räweştä utnı tuqtatu iğ’lan itärgä, cirlekkä özleksez gumanitar yärdäm kertergä kiräklegen, yuqsa krizisnıñ artacağın äytte.  Fidan, monnan tış, İzrailgä täêsir itä aluçı illärneñ kiyerenkelekne kimetü öçen döres kiñäş birergä tiyeşlegen söyläde.

AQŞ däwlät departamentı süzçese Mêtt’yu Miller da älege söyläşü turında yasağan belderüendä Blinkennıñ Fidanğa Törkiyäneñ Yaqın Könçığışta kiyerenkelekne kimetü yünäleşendäge tırışlıqlarına räxmät äytüen citkerde.

Blinken söyläşüdä ileneñ İzrail iminlegen yaqlawın assızıqladı. Ul, Törkiyädän tış, Soğud Ğaräbstanı, Misır, Yordaniya, Angliyä tışqı êşlär ministrları belän dä telefonnan söyläşte häm İzrail-İran kiyerenkelege xaqında fiker alıştı.