Ärdoğan söyläşülär ütkärde

Törkiyä ilbaşı Räcäp Tayyip Ärdoğan Oman soltanı Häysäm ibn Tarık, Paqıstan prem’yer-ministrı Şahbaz Şärif häm Ğıyraq däwlät başlığı Abdullatıyf Räşit belän telefonnan söyläşte.

Ärdoğannıñ Oman soltanı belän ütkän söyläşüendä ike il mönäsäbätläre, İzrailneñ Ğazzägä höcümnäre häm regional’ mäs’älälär qaraldı.

Törkiyä ilbaşı söyläşüdä İzrailneñ Fälästin cirlärenä qarağan höcümnäreneñ tuqtatıluı häm töbäkkä aşığıç räweştä gumanitar yärdämnärneñ cibärelüe öçen tırışlıqlarnıñ artıp däwam itüe zarurlığın, İslam dön’yasınıñ bu mäs’älädä berdämlek êçendä adımnar yasawınıñ möhim buluın belderde.

Şulay uq ike lider ber-bersen Ramazan bäyräme belän täbrik itte.

Törkiyä ilbaşı Räcäp Tayyip Ärdoğan Paqıstan prem’yerı Şahbaz Şärif belän söyläşüendä dä Törkiyä belän Paqıstan mönäsäbätläre häm global’ mäs’älälär quzğatıldı.

Ärdoğan Paqıstanda soñğı waqıttağı terror höcümnärendä ğomere özelüçelärgä Allaxı Täğalädän yarlıqaw teläde, yaqınnarınıñ qayğısın urtaqlaştı, ilneñ bu awır çordan däwlät täcribäse belän uzaçağına ışanuın citkerde.

Söyläşüdä liderlar ber-bersen Uraza ğayete belän qotladı.

Törkiyä ilbaşı şulay uq Ğıyraq däwlät başlığı Abdullatıyf Räşit belän dä telefonnan söyläşü ütkärde.

Söyläşüdä Törkiyä häm Ğıyraq mönäsäbätläre, terrorçılıqqa qarşı köräş, Üseş yulı proyektı häm regional’ mäs’älälär qaraldı. Liderlar ber-bersen Ğayet bäyräme belän täbrik itte.