Fidan ingliz wazıyfadaşı belän küreşte
Törkiyä Tışqı êşlär ministrı Xaqan Fidan, Angliyä wazıyfadaşı Dêvid Kêmeron belän oçraşıp, Ğazzä, Ukraina häm saqlanu sänäğätendä xezmättäşlek kebek mäs’älälärne söyläşte
Fidan Bel’giyä başqalası Bryussel’dä oyıştırılğan NATO tışqı êşlär ministrları cıyılışı qısalarında Angliyä tışqı êşlär ministrı Kêmeron belän küreşep söyläşte.
Diplomatik çığanaqlardan alınğan mäğ’lümatkä kürä, ministrlar söyläşü waqıtında Ğazzädäge soñğı waqıyğalarğa tuqtalıp uzdı.
Humanitar yärdämneñ citkerelüe mäs’äläsendä yasala alınaçaq adumnarnı quzğatqan ministrlar däwam itüçe söyläşülärdä kilep citelgän wazğıyätne bäyäläde.
Fidan wazıyfadaşına Törkiyäneñ Fälästin däwläteneñ tanıluınıñ möhimlege mäs’äläsendäge qaraşların citkerde.
Ministrlar ayıruça Ukrainadağı suğış belän bäyle soñğı torışnı qarap çıqtı häm saqlanu sänäğäte ölkäsendäge xezmättäşlek mäs’älälären söyläşte.
Fidan häm Kêmeron Awrupa Berlege äğ’zase bulmağan ike berlektäş bularaq NATOnıñ kön tärtibendä urın alğan mäs’älälär turında da fiker alıştı.
