"Terrorçılıqnı tamırınnan qorıtaçaqbız"

Törkiyä tışqı êşlär ministrı Xaqan Fidan Törkiyäneñ terrorçılıqqa qarşı köräştä tiñe bulmağan däräcägä citüen belderde. Ul kiçä İzmirdä yasağan çığışında qayber könüzäk mäs’älälärgä tuqtaldı.

Fidan Êgey yäisä Urta diñgezneñ könçığışında berqayçan da doşmanlıq tudırırğa tırışmawların, tik tormışçan ähämiyätle mänfäğat’lärne saqlawdan da tayçınmayaçaqların belderde.

Terrorçılıqqa qarşı köräş mäs’äläsendä isä ul: “Terrornıñ tamırın tulısınça qorıtu öçen qararıbız nıq”,-dide.

Fidan çığışında Ukrainadağı suğış häm Ğazzädäge qanqoyışnı ğadel häm totrıqlı tınıçlıq urnaştıru nigezendä beterü öçen yul êzläwlären äytte.  Monnan tış, ul Balkannar häm Kön’yaq Kavkazda da totrıqlılıqnı köçäytergä tırışuların assızıqladı.