Törkiyä İzrailneñ BMO qararın ütäwen kötä

Tışqı êşlär ministrlığı süzçese Öncü Käçäli kiçä Berläşkän Millätlär Oyışması İminlek Şurasında qabul itelgän häm Ğazzädä aşığıç räweştä utnı tuqtatırğa çaqırğan 2728 (2024) nomerlı qarar turındağı sorawğa yazmaça cawap birde.

Süzçe Käçäli: "BMO İminlek Şurasınıñ Ramazan ayında Ğazzädä aşığıç utnı tuqtatunıñ iğ’lan itelüen häm ayıruça Ğazzägä humanitar mömkinlekneñ täêmin itelüen taläp itkän qararın uñay adım bularaq küräbez. Telägebez – İzrailneñ bu qararnıñ zarurlığın tiz arada ütäwe”, - dip belderde.

Käçäli Ğazzädäge humanitar fäläqätneñ beterelüe häm İzrail-Fälästin mäs’äläsenä daimi çişeleş tabıla alınuı öçen xalıqara cämäğätçelekne İzrailgä qarşı urtaq poziśiyädä torırğa çaqırdı.

BMO İminlek Şurasındağı tawışqa quyuda Ğazzädä daimi häm däwam itelerlek itep "ramazanda aşığıç utnı tuqtatu"nıñ täêmin itelüe öçen qarar ölgese qabul itelgän ide.

Qarar 14 "uñay" häm Amerika Quşma Ştatlarınıñ 1 "bitaraf" tawış belän qabul itelgän ide.