Törek hawa yulları Liviyağa oça başlıy

Törek hawa yulları 10 yıldan soñ Liviyağa oçqıç säfärlären başlata.

Liviya prem’yer-ministrı Abdulxamid Dibäydä sośial’ mediadağı akkauntında mäs’älä belän bäyle belderü yasadı.

Dibäydä bolay dip belderde: “Älxämdülillah, yaqınça 10 yıldan soñ Törek hawa yulları kiläse atnadan başlap Liviya reysların qabat başlataçaq.”

Törek hawa yullarınıñ Liviyağa oça başlawınıñ ilendäge totrıqlılıq kürsätkeçe buluına iğtibarnı cälep itkän Dibäydä bu adımnıñ yasaluına öleş kertkän ilendäge Grajdan aviaśiya oyışması belän barlıq bäyläneşle oyışmalarğa räxmäten belderde.

Törek hawa yulları ğomum mödire Bilal Äkşi dä sośial’ mediadağı akkauntında belderü yasap: “Liviyağa säfärlärebez başlana. Atnasına 3 tapqır oçaçaqbız. Biletlar satıla başladı,” – dide.