"Çanakkalä ciñüe dönyanıñ iñ zamança armiyälärenä tez çüktergän dastan ide”

Törkiyä ilbaşı Räcäp Tayyip Ärdoğan Şähitlärne iskä alu häm Çanakkalä diñgez ciñüeneñ 109 yıllığı uñayınnan yullama yasadı.

Ul üz yullamasında Çanakkalä dastanınıñ barlıq qaharmannarın xörmät belän iskä aluın citkerde.

”Çanakkalä ciñüe - dön’yanıñ iñ zamança armiyälärenä tez çüktergän, “Çanakkalä- kiçelmäs” süzen tarixqa yazğan danlı, şanlı dastan ide”,- dide ul.  

Törkiyä ilbaşı Çanakkalädä tiñsez köräş alıp barğan törek milläteneñ barlıq cäberlängännärgä ömet buluın assızıqladı.

”Çanakkalä millät bularaq bezneñ mäñgelek qardäşlegebezne kürsätä, töbäk yazmışınıñ urtaqlığın çağıldıra. Bu il balalarınıñ ata-babalarıbıznıñ fidaqarleklärennän, Çanakkalädege awır köräştän öyränerlek küp äyberläre bar”,- dide ilbaşı Ärdoğan üzeneñ Şähitlärne iskä alu häm Çanakkalä diñgez ciñüeneñ 109 yıllığı nisbätennän yasağan yullamasında.