Törkiyä Minsk Xalıqara kitap yärminkäsendä qatnaştı

Törkiyä Belarus’ta oyıştırılğan 31nçe Minsk Xalıqara kitap yärminkäsendä qatnaştı.

Başqaladağı “BelExpo” kürgäzmä üzägendä açılğan çarada Törkiyäneñ Minsktağı ilçelege stend qordı.

Törkiyäneñ tarix, arxeologiya häm mädäniyät mirası, tabiğıy maturlıqları törek ädäbiyatınnan äsärlär urın alğan stendnı yärminkäneñ berençe könendä meñnärçä Belarus’ keşese kilep kürde.

Ayıruça törekçä öyrängän Belarus’lı studentlar küp kilde.

Törkiyä stendın kilep qarawçılar arasında Belarus’neñ İnformaśiya ministrı Vladimir Perśov häm Belarus’ İlbaşı idaräseneñ berençe başlıq urınbasarı Maksim Ryajenkov da bar ide.

Törkiyäneñ Minsktağı ilçese Cem Işık Perśov häm Ryajenkovka stend xaqında mäğlümat birde.

Törek stendınıñ yärminkädä urın aluına Törkiyä tışqı êşlär ministrlığı, Mädäniyät häm turizm ministrlığı, Milli mäğarif ministrlığı häm Diyanät êşläre räislege dä öleş kertte.

Minsk kitap yärminkäse 17 martka qadär açıq bulaçaq.