Ärdoğan Märsindä xalıqqa möräcäğat' itte

“Aqqoyı” atom-töş êlektr stanśiyäseneñ barlıq reaktorları 2028nçe yılğa qadär ğamälgä keräçäk. Bu xaqta Törkiyä ilbaşı Räcäp Tayyip Ärdoğan AK partiyäneñ Märsin şähärendä uzğan mitingında söyläde. Ul yıl sayın 35 milliard kilovatt säğat’ êlektr citeşteräçäk “Aqqoyı” stanśiyäseneñ tözeleşeneñ däwam itüen assızıqladı.  

Ärdoğan AK partiyä xakimiyättä bulğan çorda Törkiyäneñ üz tarixındağı iñ kritik sınawlardan uzuın äytte. “Bu borılış noqtaların uñışlı räweştä uzıp tağın da zurraq maqsatlarğa yul aldıq. Saqlanu sänäğatendä cirle êşlänmä däräcäsen 20%tan başladıq 80%qa citkerdek,”-dip söyläde ul.  

İlbaşı kiläse çorda Törkiyäneñ dön’yada bik üzençälekle urınğa iyä bulaçağın belderde.