Antaliya diplomatiya forumı tämam

Bıyıl öçençese oyıştırılğan häm 148 ildän 4700 keşe qatnaşqan Antaliya diplomatiya forumı azağına yaqınlaştı.

Çara Antaliyaneñ Bäläk turizm töbägendäge NEST Kongress üzägendä “Krizislar çorında diplomatiyane alğa çığaru” teması belän uzdı.

Forumda global’ mäs’älälär häm krizislar belän ber rättän klimat üzgäreşe, migraśiya, İslamğa qarşı çığu, säwdä suğışları häm yasalma intellekt belän bergä küp kenä mäs’älä belgeçlär tarafınnan bäxäsläşelde.

2021 yılda yaqınça 2 meñ keşe qatnaşqan Antaliya diplomatiya forumına bıyıl 148 ildän 4700 keşe kilde.

Diplomatlar häm säyäsätçelär belän studentlar, uqıtuçı-ğalimnär, ictimağıy oyışmalar häm êş dön’yası wäkilläre qatnaşqan panel’dä İlbaşı idaräseneñ êlemtä bülege räislege tarafınnan Ğazzäle balalar yasağan räsemnär dä urın alğan “Pulya ütkärmi torğan xıyallar: Ğazzäle bala rässamnar” kürgäzmäse oyıştırıldı.

Räfik Anadolnıñ kürgäzmäse belän Törkiyäneñ diplomatiya tarixınıñ ni qadär bay buluın kürsätüçe, “Törkiyä ğasırı” belän bergä bu diplomatiyaneñ niçek alğa kitüen, Törkiyäne niçek itep regional’ häm global’ köçkä äyländerüen kürsätüçe “Diplomatiya tunnele” dä iğtibarnı cälep itte.