İlbaşı Antaliyada xalıqqa möräcäğat’ itte
Ärdoğan: "Turizm, awıl xucalığı, säwdä belän ayırılıp torğan Antaliya diplomatiyäneñ dä global’ yoldızlarınnan bersenä äwerelde"
Törkiyä ilbaşı, “Ğadellek häm üseş” partiyäse ğomum başlığı Räcäp Tayyip Ärdoğan Antaliyada partiyäseneñ mitingında xalıqqa möräcäğat’ itte.
Ul üz çığışında turizm, awıl xucalığı, säwdä belän ayırılıp torğan Antaliyanıñ diplomatiyäneñ dä global’ yoldızlarınnan bersenä äwerelüen belderde häm kiçä başlanğan 3 nçe Antaliya dilomatiya forumınıñ bu kütäreleş bilgeläreneñ berse buluın assızıqladı.
Ärdoğan Antaliyanıñ dön’ya şähäre üzençälegen här ölkädä nığıtu turıdağı süzlärne ütäyäçäklären äytte.
“Bez säyäsäte, diplomatiyäse, sänäğate,texnologiyäläre, awıl xucalığı turizmı belän ilebezne dön’yada alğı saflarğa niçek kütärgän bulsaq, Törkiyä ğasırı belän iñ yuğarı däräcägä dä şul räweşle kütäräçäkbez. Uzğan yıl Törkiyä 4,5%qa üste , milli kerem 1, 1 trillionnan häm can başına milli kerem 13 dollardan arttı. Özleksez üseş atmosferası yärdämendä êş belän täêmin itüdä, citeşterüdä, êksportta, turizmda yıl sayın yaña rekordlar quyıp yulıbıznı däwam itäbez”,- dide Törkiyä ilbaşı Räcäp Tayyip Ärdoğan.
