Antaliya diplomatiya forumı däwam itä
Utırışlarda global’ temalar qarala
Antaliya diplomatiya forumı ikençe könendä 147 ildän 19 däwlät başlığı häm 73 ministr qatnaşında däwam itä.
Forum qısalarında uzuçı utırışlarda global’ temalar qarala.
Antaliya diplomatiya forumı “Krizislar waqıtında diplomatiyäne alğı planğa çığaru” teması astında öçençe tapqır ütkärelä.
Forumnıñ ikençe könendä diplomatiyägä yul kürsätüçe panel’lär ütkärelä häm möhim mäs’älälär qarala.
Törkiyä ilbaşı urınbasarı Cäwdät Yılmaz bügen “Xalıqara säwdä, konnekśionizm häm üzara bäylelek” dip atalğan tügäräk östäl cıyılışında qatnaştı.
Cıyılışta Ğıyraq häm Ärmänstan tışqı êşlär ministrları da bar.
Törkiyä ilbaşınıñ xäläl cefete Äminä Ärdoğan citäkçelegendä “Yuğarı däräcäle xatın-qızlar, tınıçlıq häm qurqınıçsızlıq” utırışı uzaçaq.
Forumda yäş’lär, texnologiya, fän häm ğaläm ölkäsendäge soñğı täräqqiyät’lär dä quzğatıla.
Panel’lärdä Törkiyäneñ cirle avtomobile “TOGG”nıñ yuğarı däräcäle citäkçese Gürcan Karakaş belän Törkiyäneñ täwge astronavtı Alpär Gäzäravcı qatnaşaçaq häm täcribäläre belän urtaqlaşaçaq.
