Yellen - Şimşäk söyläşüe uzdı

Amerika Quşma Ştatlarınıñ Qazna ministrı Djanet Yellen G20 cıyılışları qısalarında Törkiyäneñ Qazna häm finans ministrı Mäxmät Şimşäk häm Törkiyä Cömhüriyäte Üzäk bank başlığı Fatix Karahan belän küreşep söyläşte.

AQŞnıñ Qazna ministrlığınnan yasalğan belderügä kürä Djanet Yellen Braziliyaneñ San-Paulu şähärendä oyıştırılğan G20 Finans ministrları häm Üzäk bank başlıqları cıyılışı qısalarında Şimşäk häm Karahan belän küreşte.

Söyläşüdä ike yaqlı mönäsäbätlärneñ ähämiyäte assızıqlandı, qara aqçanı aqlaw häm terrorçılıqnıñ finansçısı belän köräş häm bu qısada çikläwlär kertü kebek möhim regional’ problemalarnı çişü öçen Törkiyä belän AQŞnıñ bergä niçek êş başqara alaçağı quzğatıldı.

Ministr Yellen X säxifäsendäge akkauntında bolay dip yazdı: “Törkiyä häm AQŞnıñ möhim regional’ problemalarnı çişü öçen niçek itep bergä êşli alaçaqların ministr Mäxmät Şimşäk belän söyläştem. İke yaqlı mönäsäbätlärebezneñ ähämiyätenä dä bäsım yasadım.”