"Törkiyäneñ irtägese bügengedän yaxşıraq bulaçaq"

Törkiyä ilbaşı, “Ğadellek häm üseş” partiyäse ğomum başlığı Räcäp Tayyip Ärdoğan cirle saylaw mitingları qısalarında Kütaxyada xalıqqa möräcäğat’ itte.

Ärdoğan Törkiyä nindi genä problemalar belän oçraşmasın, ilne demokratiya häm üseş yulınnan çitkä çığarmıyça üz maqsatlarına yünältügä ireşülären äytte.  

Ul milli berdämlekkä yasalğan höcümnärne yuqqa çığarularına basım yasadı häm monı terrorçılıqqa qarşı köräştä dä kürsätülären citkerde.

Ärdoğan uzğan yıl 6 nçı fevral’dä bulğan zur cir teträwlärneñ iq’tisadqa 104 milliard dollarğa töşüen häm iq’tisadıy balansnı torğızu öçen köçle programmanı tormışqa aşıruların belderep, programmanıñ uñay näticälären ağımdağı yıl axırında kürä başlayaçaqların äytte.

İlbaşı telägän däräcägä ireşü öçen däwlat häm millät bularaq tağın da kübräk êşläyäçäklären belderde.

Ärdoğan Törkiyäneñ soñğı 21 yılınıñ annan aldağı çorlarğa qarağanda küpkä yaxşıraq buluın, irtägeneñ bügengedän yaxşıraq bulaçağın citkerde.