Cäwdät Yılmaz Londonda

Törkiyä ilbaşı urınbasarı Cäwdät Yılmaz Angliyä viśe-prem’yerı Oliver Dauden belän säwdä, iq’tisadi mönäsäbätlär, ikeyaqlı häm regional’ mäs’älälär xaqında fiker alıştı.

Oçraşu Londonda uzdı. Cäwdät Yılmaz şunnan soñ belderülär yasadı. Ul Böyekbritaniyäneñ Awrupa Berlegennän çığuınnan soñ ike arada irekle säwdä kileşüe tözelüen xäterlätte. “Xäzer bu kileşüne tağın da alğa iltergä, tağın da tiränäytergä häm külämen üsterergä telibez. Älege nisbättän söyläşülär uñay yünäleştä däwam itä. Säyäsi mäs’älälrne dä, regional’ temalarnı da qarap çığu mömkinlegebez buldı”,-dip söyläde Yılmaz.

Ul saqlanu sänäğatennän başlap ênergetikağa qadär bik küp tarmaqta proyektlarnıñ däwam itüen häm Londonda investorlar belän dä oçraşaçağın äytte. “Angliyäneñ Törkiyädä 13 milliard dollardan artıq investiśiyäse bar. Törek şirkätläreneñ dä Angliyädä kertemnäre bar. Säwdädä bu yıl, inşallah, 20 milliard dollarnı uzaçaqbız. Uzğan yıl 19 milliard dollardan uzdırdıq”,- dip söyläde Törkiyä ilbaşı urınbasarı.