Törkiyä Xocalı ütereşeneñ 32 yıllığın iskä aldı
Törkiyä Xocalı ütereşeneñ 32 yıllığı belän bäyle bularaq: "Azärbaycannıñ Xocalı şähärendä gäyepsez tınıç xalıqqa qarşı yasalğan küpläp üterüne läğnätlibez”, - dip belderde
Törkiyä Tışqı êşlär ministrlığınnan yasalğan yazmaça belderüdä 1992nçe yılnıñ 26nçı fevral’ könne Xocalıda yäşängän växşilekneñ keşelek tarixında qara tap bulıp qaluı äytelde.
"Xocalıda üterelgän 613 qardäşebezneñ häm ul könne yaralanğan, äsir itep alınğan yäki xäbärsez yuğalğan böten azärbaycanlılarnıñ ğazapları äle dä yörägebezdä”, - dip bilgeläp uzılğan belderüdä ütereş arqasında häläq buluçılarğa Allahtan yarlıqaw soraldı häm Azärbaycan xalqınıñ qayğısı urtaqlaşıldı.
Belderüdä: "1992nçe yılnıñ 26nçı fevral’ könne Ärmänstan qorallı berlekläreneñ Azärbaycannıñ Xocalı şähärendä gäyepsez tınıç xalıqnı küpläp üterüen läğ’nätlibez”, - dip äytelde.
Törkiyä Böyek Millät Mäclese Başlığı Numan Kurtulmuş ta Xocalı ütereşeneñ yıllığı mönäsäbäte belän yullama bastırdı.
Kurtulmuş sośial’ media akkauntınnan urtaqlaşqan yazmasında:
"1992nçe yılnıñ 26nçı fevral’ könne ärmännär tarafınnan Xocalıda balalar, olı yäş’tägelär, xatın-qızlar dip ayırıp tormıyça şähit itelgän qardäşlärebezne Allahnıñ yarlıqawı belän iskä alam, Azärbaycan xalqınıñ qayğısın çın yöräktän urtaqlaşam. Böten dönya keşelekkä qarşı yasalğan şuşı cinayät’neñ qorbannarın sanğa suqmasa da alar tağın da bar bulaçaq. Azärbaycan qardäşlärebezne härwaqıt xäyer belän xäterläyäçäkbez”, - dip äytte.
Tışqı êşlär ministrı Xaqan Fidan da Xocalı ütereşeneñ yıllığı mönäsäbäte belän sośial’ mediadan urtaqlaşqan yazmasında: "32 yıl êlek Xocalıda dönyanıñ küze aldında küpläp üterelgän qardäşlärebezne Allahnıñ yarlıqawu belän iskä alam, Can Azärbaycannıñ qayğısın urtaqlaşam. Törkiyä härwaqıt Azärbaycan belän bergä”, - dip belderde.
