Cäwdät Yılmaz Angliyağa bara

Törkiyäneñ ilbaşı urınbasarı Cäwdät Yılmaz investorlar belän törle cıyılışlarda qatnaşır öçen bügen Angliyagä baraçaq.

Cäwdät Yılmaz söyläşüläreneñ berençe könendä Törkiyäneñ Londondağı ilçese Osman Koray Ärtaş belän küreşep söyläşäçäk, ilçelek yortında törek êş dön’yası wäkilläre belän söyläşü ütkäräçäk.

İlbaşı urınbasarı programmasınıñ ikençe könendä Angliyaneñ prem’yer-ministr urınbasarı Oliver Douden, European Bank for Reconstruction and Development başlığı Odil’ Reno-Basso häm Kipr törek cämğıyäte wäkilläre belän küreşep söylaşäçäk, Angliyaneñ sänägät’ konfederaśiyase tarafınnan oyıştırıluçı Yuğarı däräcäle tügäräk östäl cıyılışında qatnaşaçaq.

Angliyadä Yunıs Ämrä isemendäge institutnıñ Törek mädäniyäte üzägendä törek cämğıyäte wäkilläre belän dä oçraşaçaq Cäwdät Yılmaz Törkiyädäge investiśiya forsatlarınıñ bäyälänelüe maqsatı belän Londondağı Qıymmätle kägäz’lär birjasında investorlar belän cıyılış uzdıraçaq.