İslam xezmättäşlek oyışmasınıñ informaśiya ministrları cıyıla

İslam xezmättäşlek oyışmasınıñ informaśiya ministrları çirattan tış cıyılışı “Fälästin” teması belän bügen İstanbulda uzaçaq.

İlbaşı idaräseneñ êlemtä bülege räislegennän yasalğan belderügä kürä cıyılışta İzrailneñ Fälästin cirlärendä jurnalistlarğa höcüme häm yalğan mäğlümat êşçänlekläre quzğatılaçaq.

Cıyılışta İslam xezmättäşlek oyışmasına äğza illärneñ informaśiya ministrları, êlemtä häm mediadan cawaplı oyışma başlıqları qatnaşaçaq.

Cıyılışta şulay uq Ğazzädä tınıç xalıq belän ber rättän 130 jurnalistnıñ ülemenä säbäpçe bulğan İzrail citäkçelegeneñ höcümnäre belän yalğan xäbär häm yalğan mäğlümat êşçänlekläte centekle räweştä qaralaçaq.

Cıyılışta qatnaşqan illär tarafınnan qabul iteläçäk soñğı belderge cıyılış azağında cämäğat’çelek belän urtaqlaşılaçaq.