Törkiyä Somalinıñ qayğısın urtaqlaştı

Törkiyä Somalinıñ başqalası Mogadişoda terrorçı höcümendä ğomere özelüçelär nisbätennän qayğu urtaqlaştı. Tışqı êşlär ministrlığınnan bu xaqta yazmaça belderü yasaldı. Anda mondıy yullar bar: “Somalinıñ iminlegenä öleş kertü öçen xezmät itüçe xärbi xezmätkärlärneñ hälaq buluına tiränten borçıldıq. Somali, Berläşkän Ğaräp Ämirlekläre häm Baxreyn xalqınıñ qayğısın urtaqlaşabız”. Belderüdä, monnan tış, Törkiyäneñ Somalidağı iminlek, totrıqlılıq häm ışanıçlı kiläçäk öçen alğa taba da yärdäm itäçäge äytelä.

Mogadişodağı Gordan xärbi bazasında xezmät itüçe ber ğaskäri tirä-yün’gä ut açıp bik küp keşeneñ ülemenä häm yaralanuına kiterde. Zarar kürüçelär arasında Berläşkän Ğaräp Ämirlekläreneñ yuğarı däräcäle xärbiläre dä buluı äytelä.

Höcüm öçen cawaplılıqnı “Äş-Şäbab” terrorçı oyışması üz östenä aldı. Ul ut açqan ğaskärineñ üzenä bäyle kamikadze buluın alğa sörde.