Ärdoğan Adıyamanda

Törkiyä ilbaşı Räcäp Tayyip Ärdoğan saqlanu sänäğate investiśiyälären cir teträw töbägenä yünältülären söyläde. Ul Adıyamanda zilzilädän zıyan kürüçelärgä toraq açqıçları tapşıru tantanasında çığış yasadı. Älege cirlektä 45 meñ 305 keşegä yaña öy salına. Ärdoğan bügen 2 meñ 798 toraqnı tapşıruların belderde. Ä tözelüçe 32 meñ yortnı isä yıl axırına qadär citkeräçäklär. Kiläse yılda isä planlaştırılğan barlıq toraqlar xucalarına tapşırılaçaq.

İlbaşı barı toraq häm ofislar tözü, şähärlärneñ uram häm mäydannarın qabat tözekländerü belän genä çiklänmäwlären, töp asqorma häm zur investiśiyälärgä dä urın birülären äytte.

“Bu qısalarda ilebezneñ iñ tiz üsüçe tarmağı saqlanu sänäğate investiśiyälären cir teträw töbäge şähärlärebezgä yünältü maqsatı belän mäşğul’lek proyektı başladıq. Adıyamanda saqlanu sänäğate şirkätlärebez belän bergäläp häm TUSAŞ koordinaśiyäsendä laboratoriyä, test asqorması, kabel’ citeşterü ob’yektı tözibez. Xäzer kütärelüçe bu ob’yekt yıl axırına taba qullanılışqa keräçäk”,-dip söyläde