Ärdoğan Qaxramanmaraşta

Törkiyä ilbaşı Räcäp Tayyip Ärdoğan Qaxramanmaraşta cir teträwdä zıyan kürüçelär öçen tözelgän yortlarnı ciräbägä salu häm açqıç tapşıru tantanasında qatnaştı. Üz çığışında ul 6nçı fevral’ zilziläläreneñ keşelek tarixındağı iñ cimergeç hälakätlärdän berse bularaq terkälüen assızıqladı.

“Xalıqlarnı millät itkän üzençäleklärdän berse - söyeneçlären urtaqlaşıp kübäytkän şikelle awırlıqlar qarşında da berläşep ğazapların büleşü häm şulay itep ciñeläytü,”-dip söyläde Ärdoğan. Ul Törkiyä xalqınıñ älege imtixannı birüen häm ğasır hälakätennän soñ ber-bersenä yärdäm itep ayaqqa basuın äytte. “Yaqınça 14 million keşegä yoğıntı yasağan, 11 şähärebezneñ 124 rayonındağı 7 meñ mäxällä häm awılında awır cimereklärgä kitergän mondıy hälakät qarşında bezneñ qadär köçle tora aluçı bik az däwlät häm cämğıyät’ bar”,-dip söyläde Törkiyä ilbaşı. Ul dön’yanıñ iñ aldınğı illäreneñ dä hälakätlär belän oçraşqannan soñ yıllar buyı çarasız qaluın assızıqlıy.

“Bez cir teträwgä ber yıl tulğanda cimerekläre çistartılğan, şähärlärne qabattan torğızuda ähämiyätle yul uzılğan, keşeläre yañadan yäşäwgä ömet belän qarawçı küreneşkä ireştek”,-dide Ärdoğan. Ul zilzilä töbäklärendä tözeleşe tögällängän toraqlarnı ciräbägä salu häm açqıçın öläşüneñ däwam itüen belderep bolay dide: “Maqsatıbız yıl axırına qadär 200 meñ fatirnı häm awıl öyen xucalarına tapşıru. Annan soñ bu sannı tiz genä 390 meñgä tutıraçaqbız”.