Äliyev Ärdoğanğa teläktäşlek yullamasın cibärde

Zilzilädä häläq buluçılarnıñ ğaziz xatiräsen tirän ixtiram häm xörmät belän iskä aluın belderüçe Äliyev alarğa Böyek Allahtan yarlıqaw, ğailälärenä häm tuğannarına sabırlıq teläde.

Äliyev yäşängän fäläkätneñ Törkiyädä bulğanı qadär Azärbaycannı da bik nıq tetränderüenä basım yasap, ul çaqtağı awır könnärdä Azärbaycan xalqınıñ qardäş törek xalqı belän berdäm buluın äytte.

Äliyev Azärbaycan xalqınıñ häm däwläteneñ cirteträw xäbäreneñ berençe minutlarınnan uq bernindi yärdäm çaqıruın kötmiçä qardäşlek burıçın ütäw öçen böten mömkinleklären mobilizaśiyäläwen belderde.

Azärbaycan Däwlät başlığı Törkiyäneñ yaxşı köndä dä, naçar köndä dä Azärbaycan belän bergä bulğanı kebek Azärbaycannıñ da härwaqıt Törkiyäneñ yanında buluın häm bulırğa däwam itäçägen belderep:

"Çönki bez ber millät, ike däwlät. Sezneñ (İlbaşı Ärdoğan) liderlığız, törek xalqınıñ köräş täwäkkällege, teläktäşlek ruxı häm köçle iradäse näticäsendä qodrätle Törkiyä däwläteneñ bu awırlıqlarnı tiz xäl itäçägenä, bu awır imtixannan däräcäle räweştä, xätta tağın da köçäyep çığaçağına ışanam”, - dip äytte.