Törkiyä täwge astronavtın küzätep bara

Törkiyä astronavt Alpär Gäzäravcınıñ ğalämgä säyäxäten küzätep bara.

Berençe törek astronavtı Xalıqara ğaläm stanŝiyasendä Törkiyä belän yış qına êlemtä qoraçaq.

Gäzäravcınıñ berençe söyläşüen Törkiyä ilbaşı Räcäp Tayyip Ärdoğan belän ütkärüe kötelä.

Astronavtnıñ programma buyınça ğailäse, Sänägät’ häm texnologiya ministrı Mäxmät Fatix Kacır belän dä küreşep söyläşüe küzallana.

Alpär Gäzäravcı Bursa şähärendäge Kosmik aviaŝiya uqıtu üzäge häm başqala Änkaradağı Törkiyä fänni häm texnologik tikşerenülär oyışmasınıñ ğaläm üzäge belän êlemtä qoraçaq.

Törek astronavtı Xalıqara ğaläm stanŝiyasendä bulğanda törek studentları belän dä söyläşü ütkäräçäk.

Ul Samsun, Kocaäli, Hatay, Diyarbakır, Konya häm Balıkäsirdän yuğarı uqu yortı, liŝey häm urta mäktäp uquçıları belän täcribälären urtaqlaşaçaq.

Alpär Gäzäravcı ğalämnän Azärbaycan başqalası Baqı, Konya, Änkara, İstanbul, Çanakkalä şähärlären, Ararat tawı räsemnären töşeräçäk.