"Sarıqamış xäräkäte - törek ğaskäreneň tüzemlelek simvolı ul"
Bu xaqta Törkiyä milli saqlanu ministrı Yaşar Gülär Sarıqamış operaŝiyäseneň 109 yıllğı uňayınnan yasağan belderüendä citkerde
Törkiyä milli saqlanu ministrı Yaşar Gülär Sarıqamış xäräkäteneň 109 yıllğı uňayınnan üzeneň soŝial’ media akkauntında belderü yasadı.
Ul üz belderüendä izge qıymmätläre öçen ğomerlären qorban itkän şähitlärne xörmät belän iskä aldı.
Yaşar Gülär batır törek ğaskäreneň Watannı yaratu, östenlekle disŝipilina aňlayışı belän awırlıqlarğa qarşı tüzemlelek simvolı bulğan Sarıqamış operaŝiyäseneň törek milläteneň milli häm ruxi qıymmätlären saqlaw öçen närsä êşli aluın bik açıq kürsätüen citkerde.
"Sarıqamış xäräkäte - suğış prinŝipları häm suğış belän idarä itü belän bergä xärbi küzlektän öyränelergä tiyeşle häm sabaq alırğa kiräkle möhim tarixi waqıyğa. Bu qısada danlı Törkiyä armiyäse Watannı saqlaw öçen ütkännärdä törle fidaqarleklär başqarğan kebek bügenge köndä dä ata - babalarıbızdan alğan ilham, tarixtan alğan sabaqlar häm täcribälär belän ilebezgä yanağan qurqınıçlarnı beterü öçen, asıl millätebezneň xoquqların häm mänfäğat’lären yaqlaw öçen köne-töne köräşen däwam itterä”,- dide Törkiyä milli saqlanu ministrı Yaşar Gülär Sarıqamış xäräkäteneň 109 yıllğı uňayınnan yasağan belderüendä.
