Tışqı êşlär ministrı Fidannıñ Yaña yıl yullaması

Xaqan Fidan “X" sośial’ media akkauntınnan urtaqlaşqan yaña yıl yullamasında Cömhüriyätneñ 100 yıllığın häm tışqı êşlärgä nigez saluınıñ 500 yıllığın bilgeläp uzuların xäterlätte.

"Xalıqara sistemada bilgesezleklär häm global’ däräcädä totrıqsızlıqlar bulğan şuşı çorda xörmätle İlbaşıbıznıñ liderlığında bez alıp barğan Törkiyägä nigezlängän bäysez tışqı säyäsät ilebezne xalıqara kön tärtiben bilgeläwçe, kritik geografiyälärdä täêsirle möhim aktyorğa äyländerde”, - dip äytüçe Fidan 2024nçe yılda da äxlaqi qıymmätlärgä bäyle, raśional’ häm näticäle tışqı säyäsätneñ däwam iteläçägen belderde.

Fidan: "Bez millätebezdän alğan köç belän global’ ğädelsezleklärgä häm yalğışlıqlarğa qarşı toruıbızdan waz kiçmäyäçäkbez. Döreslekne yaqlawdan hiç taypılmayaçaqbız. Törkiyä ğasırı vizionıbız qısalarında bez alıp barğan bäysez häm milli tışqı säyäsätebezneñ tiränlegen häm ülçämnären tağın da arttıraçaqbız”, - dip basım yasap, şuşı maqsatlar nigezendä wazıyfa başqaruçı ministrlıq xezmätkärlärenä, dönyanıñ dürt ber yağında fidaqärlek belän êşläwçe böten däwlät wazıyfalılarına räxmät belderde.

İldä häm çit ildä yäşäwçe watandaşlarnıñ yaña yılın täbrik itüçe Fidan 2024nçe yılnıñ Törkiyägä, törek millätenä häm keşelek dönyasına xäyerle buluın teläde.