“Mäskäw häm Änkara kiläse yılda ike yaqlı säyäsi dialognı üsterüne däwam itäçäk”
Rusiya Federaŝiyäse däwlät başlığı Törkiyä ilbaşın Yaña yıl belän qotladı
Kreml’dän yasalğan belderügä qarağanda, Rusiya Federaŝiyäse däwlät başlığı Vladimir Putin qayber illär citäkçelären Yaňa yıl belän qotladı.
Ul Törkiyä ilbaşı Räcäp Tayyip Ärdoğanğa cibärgän Yaňa yıl qotlawında soňğı waqıtlarda Rusiya belän Törkiyä arasında küpqırlı xezmättäşlekne üsterü öçen küp êşlär başqarıluın assızıqladı.
Putin ike ilneň urtq tırışlıqları yärdämendä zur ênergiya häm asqorma proyektlarınıň tormışqa aşırıluın iskä töşerde. Rusiyä häm Törkiyäneň regional’ konfliktlarnı çişügä dä öleş kertüen iskärtte.
”Kiläse yılda Mäskäw häm Änkara Awraziya qıytqasında qurqınıçsızlıqnı häm totrıqlılıqnı nığıtu öçen, dus xalıqlar faydasına törle ölkälärdä xezmättäşlekne häm ike yaqlı säyäsi dialognı üsterüne däwam itäçäk”,- diyelä Vladimir Putinnıň qotlawnamäsendä.
Bäyläneşle xäbärlär
Terrorçılıqqa qarşı köräş däwam itä
Süriyäneñ tön’yağında 3 “PKK/YPG”le terrorçı täêsirsez xälgä kiterelde