İstanbul – Berläşkän Millätlär Oyışmasınıñ regional’ üzägenä äylänä
BMO Üseş koordinaśiya ofisınıñ regional’ ofisınıñ İstanbulda tözelüenä qağılışlı kileşüneñ raslanuı turındağı täq’dim Törkiyä Böyek Millät Mäcleseneñ tışqı êşlär komissiyäsendä qabul itelde
Täq’dimneñ yaña yılda Törkiyä Böyek Millät Mäclese ğomum şurasında fiker alışılıp qabul iteler, dip kötelä.
Amerika Quşma Ştatlarınıñ N’yu-York qalasında 2022nçe yılnıñ 9nçı noyabr könne Törkiyä belän Berläşkän Millätlär Oyışması arasında imzalanğan kileşüneñ nigezlämäsendä BMO tarafından başlatılğan reforma barışınıñ ber öleşe bulğan BMO üseş sistemasınıñ küzdän kiçerelüe qısalarında rezident koordinatorlıqları arasında regional’ koordinaśiyäneñ täêmin itelüe maqsatınnan çığıp 5 Üseşne koordinaśiyäläw regional’ ofisınıñ tözelüe belderelde.
Telgä alınğan şuşı ofislärneñ Panama, Addis-Abeba, Amman häm Bangkok belän bergä İstanbulda açıluı qararına kilenüe, İstanbulda tözeläçäk BMO Üseşne koordinaśiyäläw regional’ ofisınıñ Awrupa häm Urta Aziyädäge BMO rezident koordinatorlarına bulışlıq itü wazıyfasın başqaraçağı iskärtelep uzıldı.
Nigezlämädä BMO Üseşne koordinaśiyäläw regional’ ofisınıñ İstanbulda tözelüe turındağı kileşüneñ Törkiyäneñ "İstanbulnıñ BMO üzägenä äyländerelüe” maqsatı qısalarında anıq adım üzençälegendä buluına basım yasaldı.
Komissiyädä täq’dim turında xalıq ışanıçlılarına mäğ’lümat birüçe tışqı êşlär ministrı urınbasarı Burak Akçapar İstanbulda tözeläçäk BMO Üseşne koordinaśiyäläw regional’ ofisı belän bäyle bularaq:
"Şuşı ofisnıñ tözelüe ber ük waqıtta İstanbulnıñ N’yu-York yäki Jeneva kebek BMO üzägenä äylänüe vizionıbız belän dä ahäñle, aña xezmät itüçe üzençälektä. İstanbulda tözeläçäk BMO Üseşne koordinaśiyäläw regional’ ofisı Awrupada häm Urta Aziyädä wazıyfa başqaruçı 18 BMO rezident koordinatorına yärdäm itäçäk”, - dip äytte.
