Fidan - Blinken söyläşüe
Törkiyä tışqı êşlär ministrı AQŞtağı wazıyfadaşı belän telefon aşa êlemtägä kerde
Törkiyä tışqı êşlär ministrı Xaqan Fidan AQŞ däwlät särqatibe Êntoni Blinken belän telefonnan söyläşte.
Diplomatik çığanaqlardan alınğan mäğ’lümatqa qarağanda, Blinkennıň taläbe nigezendä uzğan söyläşüdä Şveŝiyäneň NATOğa kerü barışı qaraldı.
Xaqan Fidan Şveŝiyäneň äğ’zalığı belän bäyle proŝessnıň Törkiyä Böyek Millät Mäclesendä däwam itüen äytte.
Törkiyä ministrı F-16 oçqıçların satuğa qağılışlı AQŞ citäkçelege häm AQŞ Kongressınıň berlektäşläkkä turı kiterep êş itülären häm birelgän süzlärne ütäwlären kötülären citkerde.
Telefon aşa êlemtädä Ğazzädäge soňğı waqıyğalar da söyläşelde.
Törkiyä tışqı êşlär ministrı Ğazzädä tiz arada utnı tuqtatu iğ’lan itü häm daimi tınıçlıq söyläşüläre başlanırğa tiyeşlegen iskärtte.
Söyläşü barışında Kipr mäs’äläse dä kütärelde.
Bäyläneşle xäbärlär
Ärdoğan Vinston Petersnı qabul itte
Törkiyä ilbaşı Yaña Zelandiya prem’yer-ministrı urınbasarı häm tışqı êşlär ministrın qabul itte
