Ärdoğan Änkarada yullamalar yasadı

Törkiyä ilbaşı Räcäp Tayyip Ärdoğan başqala Änkarada ilneñ gimnı “İstiklal marşı”n yazğan şağıyr’ Mäxmät Akif Ärsoynı iskä alu çarasında qatnaştı.

Ul üz çığışında 7nçe oktyabr’dän birle Ğazzädä däwam itüçe İzrail zolımına “Say Stop” (Tuqta dip äyt) diyep rizasızlığın beldergän yäş’lärne tağın ber tapqır täbrik itte. Ärdoğan älege räximsezlek qarşında tawışın çığarmağan telsez şaytannardan bulmayaçaqların assızıqladı. Ul Ğazzädä häm başqa cirleklärdä üterelüçe, êkspluataśiyälänüçe häm cäberlänüçe keşelär öçen ğadellek yağında toruların däwam itäçäklären äytte.

Ärdoğan üz çığışında terrorçılıqqa qarşı köräşkä dä qağıldı. “Monı härkem belep torsın - bäysezlegebezgä qul tiderergä tırışular bulğan sayın, bez kiläçägebezne tağın da nığraq saqlayaçaqbız”,-dide ul.

İlbaşı çığışında berlek häm berdämlek yullaması yasadı.

“Törkiyä bezneñ urtaq watanıbız. Urtaq tübäbez. Barıbız ber, bergä, tuğan. Törege, körde, sönniye, äläwiye - 85 million keşe barıbız ber kelämneñ bizäkläre”,-dip söyläde Törkiyä liderı.