"Terrorçılıqqa qarşı köräş qatğıy räweştä däwam itäçäk"

Törkiyä ilbaşı Räcäp Tayyip Ärdoğan İstanbul Sabiha Gökçän aêroportınıň 2 nçe oçış polosası açılışında çığış yasadı.

 Ul üz çığışında terrorçılıqqa qarşı köräşka dä tuqtaldı, berdämlekkä basım yasadı häm terrorçılıqqa qarşı köräşneň qatğıy räweştä däwam itäçägen äytte.  

Ärdoğan basımnarnı, yanawlarnı, imperialistik köçlärneň Törkiyä turındağı qara sŝenariyların bozuların belderde.

Ul Ğıyraqnıň tön’yağında terror oyasına, Kandil häm Süriyädäge terror baronnarına häm alarğa yärdam itüçelärgä Törkiyäne üz yulınnan alıp taşlarğa röxsät itmäyäçäklären assızıqladı.  

”Terrorçı höcümnär belän millätebezne bülü plannarınıň waqıtı bette. Bez törek, körd, ğaräp, ğalävi häm sönniläre belän barlığı 85 million keşeneň qardäşlegen häm arabıznı bozarğa röxsät itmäyäçäkbez”,- dide Törkiyä ilbaşı Räcäp Tayyip Ärdoğan.