"İzrail yalğız qalaçaq"

Törkiyä ilbaşı Räcäp Tayyip Ärdoğan İstanbulda belderülär yasadı häm anda süz kübräk İzrail turında bardı. Ul İzraildän yaxşı niyät kötelmäwen, xäzer annan bigräk dön’yanıñ İzrailgä niçek qarawın kürergä kiräklegen assızıqladı.

“BMO ğomum şurasın xäterlägez: başta 121 däwlät İzrailgä qarşı çıqtı, älege 121 il bezneñ belän bergä xäräkät itte. 40 däwlät tawış birüdän tıyılıp qaldı, 10 il İzrail yaqlı buldı. Tik xäzer xäl üzgärde. İzrail xäzer yalğızlıqqa taba bara. İzrailneñ yalğızlığı tağın da artaçaq”,-dip söyläde Ärdoğan.

Ul kiçä AQŞ ilbaşı Djo Bayden belän telefonnan söyläşüenä dä tuqtalıp uzdı. “İnde belüegezçä, kiçä kiç Bayden belän centekle söyläşü buldı häm bu äñgämäneñ töp temasın F-16 belän bäyle täräqqıyät’lär täşkil itte. F-16 mäs’äläsendä Bayden üzeneñ uñay qaraşta buluın häm bu xaqta kongressqa här törle täq’dimne kertergä äzer ikänlegen äytte. Bigräk tä Şveśiyä nisbätennän qaraşlarıbızğa, parlamentıbız çığaraçaq qararğa ähämiyät birülären dä söyläde”,-dide Ärdoğan.

Ul Bayden belän Ğazzä mäs’äläse xaqında da söyläşülären citkerde. Andağı waqıyğalarda 18 meñnän artıq bala, xatın-qız häm qartlarnıñ ülüen, mäktäplär, ğıybadätxanälär cimerelüen xäterlätte. Söyläşüdä Ärdoğan Amerikanıñ moña irek quymawı kiräklegenä basım yasağan.