2067 terrorçı täêsirsez xälgä kiterelde

Törkiyä milli saqlanu ministrı Yaşar Gülär yıl başınnan birle 2 meñ 67 terrorçınıñ täêsirsez xälgä kiterelüen belderde. Ul Törkiyä Böyek Millät Mäclese ğomum şurasınıñ byudjet utırışında çığış yasadı. Ministr anda “Färat qalqanı”, “Zäytün botağı”, “Solıx çişmäse”, “Yaz qalqanı” häm “Pänçä” seriyäse xäräkätlär belän separatist terrorçı oyışmanı il êçendä beterü noqtasına yaqınlaşuların, çik ar’yağınnan Törkiyägä höcümnärne buldırmıy qaluların, çiklärdä qorırğa telägän terror koridorın tarqatuların assızıqladı.

“İlebezneñ häm millätebezneñ iminlege öçen barlıq terrorçı oyışmalarğa qarşı alıp barıluçı bu köräştä uñışqa ireşkän kaharman ğaskärlärebez uñışların här kön arttıra bara. Älege qısalarda bıyıl başınnan birle 2 meñ 67 terrorçı täêsirsez xälgä kiterelde”,-dip söyläde ministr Gülär.

Ul Süriyä häm Ğıyraqtağı barlıq operaśiyälärne BMO kileşüeneñ 51nçe maddäsendä bilgelängän üz-üzeñne saqlaw xoquqı nigezendä, kürşe däwlätlärneñ suverenlığı häm cir bötenlegen xörmät itep alıp baruların assızıqladı.