"Terror oyışmasına qatğıy räweştä röxsät birmayäçäkbez"

Törkiyä ilbaşı Räcäp Tayyip Ärdoğan Törkiyäneñ kön’yağında, Süriyä häm Ğıyraqnıñ tön’yağında terror oyışmasına qatğıy räweştä röxsät birmayäçäklären assızıqladı.

Ärdoğan Kabinet cıyılışınnan soñ açıqlaw yasap, terrorçılıqqa qarşı köräşkä tuqtaldı.

Terrorçılıqnı tamırınnan uq beterü strategiyasen uñışlı räweştä çınğa aşıruların, hawadan häm cir östennän oyıştırıluçı operaśiyalär belän terrorçılar östendäge basımnı däwamlı arttıruların beldergän Törkiyä ilbaşı bolay dide: “Çiklärebez êçendä PKK terror oyışmasın yuqqa çığarabız. Monnan 40 yıl êlek xalqıbıznıñ başına bäla bulğan terrorçılqtan Törkiyäne bötenläy qotqaruda täwäkkäl bez.”

Terror oyışmaları belän Törkiyäne qısrıqlarğa tırışuçılarğa möräcäğat’ itkän Ärdoğan tübändägeçä däwam itte: “Törkiyäneñ kön’yağında, Süriyä häm Ğıyraqnıñ tön’yağında terror oyışmasına qatğıy räweştä röxsät birmayäçäkbez.”