Törkiyä İlbaşı: "Netan’yaxu xökümäte böten töbägebezneñ iminlegenä qurqınıç tudıra”

Төркия Илбaшы: "Нeтaньяxу xөкүмәтe бөтeн төбәгeбeзнeң иминлeгeнә куркыныч тудырa”

Илбaшы Рәҗәп Тaййип Әрдoгaн Изрaилдәгe Бaш министр Биньямин Нeтaньяxу xөкүмәтeнeң бөтeн төбәкнeң иминлeгeн һәм киләчәгeн куркыныч aстынa куюын бeлдeрдe.

-----------------------------------------------------------------------------------------

İlbaşı Ärdoğan Qatarda oyıştırılğan 44nçe Farsı qultığı xezmättäşlek şurası sammitında çığış yasadı.

Törkiyäneñ xalıqara investorlar öçen ışanıçlı port bulu üzençälegen saqlap qaluına basım yasawçı Ärdoğan: “Törek iq’tisadına ışanğan qardäşlärebezgä bez härtörle bulışlıq kürsätügä äzer”, - dip äytte.

Ğazzä sızığında däwam itüçe İzrail-“Xamas” bäreleşlärenä dä tuqtalıp uzuçı İlbaşı Ärdoğan: "Bezneñ prioritetıbız – xäzer ük daimi utnı tuqtatunıñ iğ’lan itelüe häm özleksez räweştä humanitar yärdäm ağımınıñ täêmin itelüe”, - dip belderde.

"Netan’yaxu citäkçelege säyäsi ğomeren ozınaytu öçen böten töbäkneñ iminlegenä, kiläçägenä qurqınıç tudıra", - dip basım yasawçı İlbaşı Ärdoğan: “Ğazzädäge yawızlıqnıñ Süriyäne dä üz êçenä alaçaq regional’ suğışqa äwerelüenä yul quymasqa kiräk”, - dide.

Törkiyä Däwlät başlığı: "Kübese balaçağa häm xatın-qız 17 meñ gäyepsez fälästinleneñ häläq buluı keşelek cinayäte, xärbi cinayät. İzrail qılğan şuşı cinayätlär öçen cawaplılıqqa tartılırğa tiyeş”, - dip iskärtep uzdı.

İlbaşı Ärdoğan yuğarı däräcäle oçraşudan soñ Qatar başqalası Dohadan kitte.