Ärdoğan İran liderı belän oçraştı
Oçraşuda süz Ğazzädäge krizis häm İzrailneñ höcümnären tuqtatu öçen basımnı arttıru turında bardı
Törkiyä ilbaşı Räcäp Tayyip Ärdoğan, İq’tisadi xezmättäşlek oyışmasınıñ 16nçı sammitı öçen Üzbäkstan başqalası Taşkentqa kitkän cirennän İran däwlät başlığı İbrahim Räisi belän oçraştı. İke lider İzrailneñ Ğazzägä höcümnäre näticäsendä barlıqqa kilgän gumanitar krizis häm çişeleş öçen kiräkle adımnar, şulay uq, Törkiyä belän İran arasındağı êlemtälär häm regional’ temalar turında söyläşte.
Ärdoğan İzrailneñ höcümnären tuqtatuınıñ regionda häm dön’yada tınıçlıq urnaşuğa yärdäm itäçägen belderep, İslam xezmättäşlege oyışmasınıñ bulaçaq çirattan tış sammitta ğadel çişeleşkä ireşü öçen tırışlıq quyuı kiräklegen äytte. Ul Törkiyäneñ garant däwlät cawaplılığı alıp mäs’äläne çişeleşkä kiterergä äzer buluın assızıqladı.
Ärdoğan fikerençä, İslam dön’yasınıñ berdäm poziśiyägä basıp İzrailgä basımnı arttıruı zarur.
