Ğıyraqnıñ tön'yağına hawa xäräkäte
Törkiyä milli saqlanu ministrlığı Ğıyraqnıñ tön’yağına hawa xäräkäte oyıştırıluın xäbär itte
Kiçä kiçen Ğıyraqnıñ tön’yağına oyıştırılğan hawa xäräkätendä mäğarä, sıyınu urını häm saqlağıçlardan torğan barlığı 15 terror maqsatı yuq itelde.
Törkiyä milli saqlanu ministrlığı älege xäräkät turında belderü yasadı.
“Terror oyaların yuq itüne däwam itäbez” isemle belderüdä äytelgänçä, “PKK/KCK” häm başqa terrorçı êlementlarnı täêsirsez xälgä kiterep, Ğıyraqnıñ tön’yağınnan xalqıbızğa häm iminlek köçlärenä qarata terrorçı höcümnären tuqtatu häm çiklärneñ qurqınıçsızlığın täêmin itü maqsatınnan, BMO kileşüeneñ 51nçe maddäsendä bilgelängän üz-üzeñne saqlaw xoquqı nigezendä 4 nçe noyabr’dä 19 säğat’ 30 minutta Ğıyraqnıñ tön’yağındağı Xakurk töbägenä hawa xäräkäte başqarıldı.Hawa xäräkätendä separatist terrorçı oyışma qullanğan häm êçendä ähämiyätle däräcädä cawaplı terrorçılar da bulğan mäğarä, sıyınu urını, saqlağıçlarnı kertep barlığı 15 tämek yuq itelde.
“Operaśiyäne başqarğanda küpçelek cirle qoral qullanılıp bik küp terrorçı täêsirsez xälgä kiterelde. Xäräkät waqıtında tınıç xalıq, tarixi häm mädäni qıymmätlär, tirä-yaq moxit zarar kürmäsen öçen barlıq çaralar kürelde.Törkiyä Qorallı Köçläre soñğı terrorçı täêsirsez xälgä kiterelgänçe terrorçılıqqa qarşı köräşne qatğıy räweştä däwam itäçäk ”,- diyelä belderüdä.
