"Törek Qızılayı" Äfğanstanğa yärdäm kürsätä

"Törek Qızılayı" Äfğanstannıñ Xerat vilayätendä barlıqqa kilgän cir teträwdä zıyan kürgän awıllarda 2250 ğailägä azıq-tölek yärdäme kürsätte.

"Törek Qızılayı"nnan yasalğan açıqlawğa kürä afättä zıyan kürüçelärgä qarata planlaştırılğan gumanitar yärdämnär qısalarında 10 meñnän artıq ğailägä ireşäçäklär.

Açıqlawdan kürengänçä töbäkkä cibärelgän berençe yärdämnär qısalarında 2250 ğailägä ber ay buyına citäçäk azıq-tölek taratıldı.

"Törek Qızılayı"nıñ Äfğanstandağı delegaŝiyase başlığı Färit Äxmät Ziya awır waqıtlarda äfğan xalqı yanında buluların äytep, monnan soñ da yärdämneñ däwam itäçägen citkerde.

Xerattağı afät töbägendä daimi proyektlar çınğa aşıruların beldergän başlıq bolay dide: “Cir teträwneñ berençe mizgellärennäñ ük êşkä kereşkän törkemnärebez töbäkkä kilep, ixtıyac külämen bilgeläde. Töbäktäge moxtac ğailälärneñ ixtıyacların bilgelädek häm ozaqlamıy ixtıyaclarnı qanäğat’länderügä qarağan yaña adımnar yasayaçaqbız.”