AQŞ: "Terrorçılarğa qarşı köräştä bez Törkiyä yanında"

Amerika Quşma Ştatları separatist terrorçı oyışma PKKğa qarşı köräştä NATO berlektäşe Törkiyä häm törek xalqı yanında bulaçağın belderde.

AQŞ däwlät departamentı süzçese Met’yu Miller matbuğatqa citkergänçä, il PKKnı çit terrorçı oyışma bularaq tanıy. Ber jurnalist başqala Änkarada bulğan terrorçı höcümeneñ artında PKK oyışması buluın xäterlätep bolay dip soradı: “Törkiyä AQŞnıñ PKKğa häm anıñ Süriyädäge däwamçısı YPGgä yärdäm itüenä inde küptän açulı. AQŞ NATO berlektäşe Törkiyä tarafınnan terrorçı törkem bularaq bilgelängän oyışma belän mönäsäbätlären niçek däwam itärgä uylıy?”  Miller aña: “PKKğa qarşı köräştä täwäkkällek belän Törkiyä häm törek xalqı yanında torabız häm bu şulay däwam itäçäk,”-dip cawap birde.  

Miller AQŞnıñ Törkiyä başqalasındağı terrorçı höcümen kisken ğayepläwen äytte häm yaralanuçılarğa şifa teläde.