Törkiyä Rumıniyağa tabiğıy gaz êksportlayaçaq

BOTAŞ Ütkärgeçlär belän neft’ qudıru akśionerlıq (акционерлык) cämğıyätennän yasalğan belderüdä:

"BOTAŞ töbäkneñ zur ênergetika şirkätlärennän “OMV Petrom” belän möhim kileşügä qul quydı. Könenä 4 million kub metrğa qadär tabiğıy gaz belän täêmin itü mömkinlegen birgän häm 2025nçe yılnıñ 31nçe mart könne tögällänäçäk kileşü qısalarında Törkiyädän Rumıniyägä ütkärgeçlär belän tabiğıy gaz êksportı 1nçe üktäbr’dä başlanaçaq”, - dip äytelde.

Belderüdä taraflarnıñ tabiğıy gaz säwdäse belän ber rättän tapşıru, saqlaw, citeşterü häm yäşel ênergiya texnologiyäläre ölkälärendä dä xezmättäşlekne üsterü mäs’äläsendä kileşügä ireşelüenä işarät itelep:

"Bügengä qadär ütkärgeç belän töbäk illärennän Greśiyägä (Грециягә), Bolgariyağa häm Macarstanğa (Vengriyägä) tabiğıy gaz êksportına qağılışlı möhim kileşülärne tormışqa aşırğan BOTAŞ, gaz belän täêmin itkän illärgä Rumıniyanı da östäp, kürşe bazarlarda häm Awrupada ênergiyäneñ täêmin itü qurqınıçsızlığına häm törlelegenä kertkän öleşen nığıta”, - dip äytelde.

Törkiyä Macarstan (Vengriya) belän avgustta, Bolgariya belän dä ğıynwarda tabiğıy gaz êksportı kileşüenä qul quyğan ide.